ឯតទគ្គៈរបស់ព្រះភិក្ខុនីសង្ឃទាំង១៣អង្គ ជាសាវិការបស់ព្រះពុទ្ធជាម្ចាស់
១. ឯតទគ្គំ , ភិក្ខវេ, មម សាវិកានំ ភិក្ខុនីនំ រត្តញ្ញូនំ យទិទំ មហាបជាបតិគោតមី’’។
ម្នាលភិក្ខុទាំងឡាយ បណ្តាពួកភិក្ខុនីអ្នកដឹងរាត្រី ដែលជាសាវិការបស់តថាគត ស្រេចនឹង មហាបជាបតីគោតមីប្រសើរជាងគេ ។
២. មហាបញ្ញានំ យទិទំ ខេមា។
ពួកភិក្ខុនីអ្នកមានប្រាជ្ញាច្រើន ស្រេចនឹងនាងខេមា ។
៣. ឥទ្ធិមន្តីនំ យទិទំ ឧប្បលវណ្ណា។
ពួកភិក្ខុនីអ្នកមានឫទ្ធិ ស្រេចនឹងនាងឧប្បលវណ្ណា ។
៤. វិនយធរានំ យទិទំ បដាចារា។
ពួកភិក្ខុនីអ្នកទ្រទ្រង់វិន័យ ស្រេចនឹងនាងបដាចារា ។
៥. ធម្មកថិកានំ យទិទំ ធម្មទិន្នា។
ពួកភិក្ខុនីជាធម្មកថិកា ស្រេចនឹងនាងធម្មទិន្នា ។
៦. ឈាយីនំ យទិទំ នន្ទា។
ពួកភិក្ខុនីអ្នកមានឈាន ស្រេចនឹងនាងនន្ទា ។
៧. អារទ្ធវីរិយានំ យទិទំ សោណា។
ពួកភិក្ខុនីអ្នកមានព្យាយាមបរិបូណ៌ ស្រេចនឹងនាងសោណា ។
៨. ទិព្ពចក្ខុកានំ យទិទំ សកុលា
ពួកភិក្ខុនីអ្នកមានទិព្វចក្ខុ ស្រេចនឹងនាងសកុលា ។
៩. ខិប្បាភិញ្ញានំ យទិទំ ភទ្ទា កុណ្ឌលកេសា។
ពួកភិក្ខុនីបានត្រាស់ដឹងរហ័ស ស្រេចនឹងនាងភទ្ទាកុណ្ឌលកេសា ។
១០. បុព្ពេនិវាសំ អនុស្សរន្តីនំ យទិទំ ភទ្ទា កាបិលានី។
ពួកភិក្ខុនីអ្នករឭកឃើញបុព្វេនិវាស ស្រេចនឹងនាងភទ្ទាកបិលានី ។
១១. មហាភិញ្ញប្បត្តានំ យទិទំ ភទ្ទកច្ចានា។
ពួកភិក្ខុនីអ្នកបានអភិញ្ញាដ៏ធំ ស្រេចនឹងភទ្ទាកច្ចានា ។
១២.លូខចីវរធរានំ យទិទំ កិសាគោតមី។
ពួកភិក្ខុនីអ្នកទ្រទ្រង់ចីវរដ៏សៅហ្មង ស្រេចនឹងនាងកិសាគោតមី ។
១៣. សទ្ធាធិមុត្តានំ យទិទំ សិគាលកមាតាតិ។
ពួកភិក្ខុនីអ្នកមានសទ្ធាស៊ប់ ស្រេចនឹងនាងសិគាលមាតា ។
(សុត្តន្តបិដក អង្គុត្តរនិកាយ ឯកកនិបាត ឯតទគ្គវគ្គ បិដកលេខ ៤០)
