ទុច្ចរិត ៣ និង សុចរិត ៣ គឺជាការប្រព្រឹត្តរបស់មនុស្ស តាមរយៈទ្វារទាំង ៣ គឺ កាយ វាចា និងចិត្ត។
១. ទុច្ចរិត ៣ (ការប្រព្រឹត្តអាក្រក់ ៣ យ៉ាង)
- កាយទុច្ចរិត៖ ធ្វើខុសតាមផ្លូវកាយ (សម្លាប់សត្វ, លួចទ្រព្យគេ, ប្រព្រឹត្តខុសក្នុងកាម)។
- វចីទុច្ចរិត៖ និយាយខុសតាមផ្លូវសម្ដី (និយាយកុហក, និយាយញុះញង់, និយាយទ្រគោះបោះបោក, និយាយឥតប្រយោជន៍)។
- មនោទុច្ចរិត៖ គិតខុសតាមផ្លូវចិត្ត (គិតលោភលន់ចង់បានរបស់គេ, គិតព្យាបាទបំផ្លាញគេ, គិតយល់ខុសពីការពិត)។
២. សុចរិត ៣ (ការប្រព្រឹត្តល្អ ៣ យ៉ាង)
- កាយសុចរិត៖ ធ្វើល្អតាមផ្លូវកាយ (មិនសម្លាប់សត្វ, មិនលួចទ្រព្យគេ, មិនប្រព្រឹត្តខុសក្នុងកាម)។
- វចីសុចរិត៖ និយាយល្អតាមផ្លូវសម្ដី (និយាយពាក្យពិត, និយាយពាក្យសាមគ្គី, និយាយពាក្យពិរោះ, និយាយពាក្យមានប្រយោជន៍)។
- មនោសុចរិត៖ គិតល្អតាមផ្លូវចិត្ត (មិនលោភលន់, មិនគិតព្យាបាទមានចិត្តមេត្តា, យល់ឃើញត្រឹមត្រូវតាមច្បាប់កម្មផល)។
#ទុច្ចរិត៣ #សុចរិត៣ #ព្រះពុទ្ធសាសនា #ធម៌អប់រំ #កុសលកម្ម
