ស៊ុនអ៊ូគឺជាអ្នកសរសេរក្បួនសឹកដ៏អស្ចារ្យាមួយរូបនៅក្នុងប្រទេសចិនសម័យបុរាណ។ ហើយគាត់ក៏ជាអ្នកនិពន្ធសៀវភៅដ៏ល្បីល្បាញមួយរូបដែលមានចំណងជើងថា “សិល្ប៍ៈនៃសង្គ្រាម” ឬ “The Art of War”។ គាត់ក៏មានជំនាញខ្ពស់ក្នុងការប្រើប្រាស់អំណាចទន់ (soft power) និងជាអ្នកធ្វើសឹកសង្គ្រាមយ៉ាងស្ទាត់ជំនាញ។ គោលការណ៍ដ៏ចំបងក្នុងការធ្វើសឹកចំពោះលោកគឺ ការយកឈ្នះសត្រូវដោយមិនបាច់ច្បាំង។ សិល្បះសង្គ្រាមនេះត្រូវបានប្រទេសជប៉ុនយកធ្វើជាគំរូយុទ្ធសាស្រ្តនយោបាយ និងសេដ្ឋកិច្ច ពីប្រព័ន្ធសក្តិភូមិ មកប្រព័ន្ធសហគ្រាសកម្មបន្ទាប់ពីប្រទេសនេះចាញ់សង្គ្រាម។
ក្នុងទ្រឹស្ដី ស៊ុនអ៊ូបានចែងថា “យុទ្ធសាស្ត្រក្នុងការប្រយុទ្ធប្រៀបដូចគ្នាទៅនឹងទឹក។ ទឹកហូរយ៉ាងលឿនពីទីខ្ពស់ទៅកាន់ទីទាប។ ដូច្នេះនៅក្នុងសង្គ្រាម ជម្រើសដើម្បីឈ្នះសសង្រ្គាមគឺភាពបត់បែនដូចជាទឹក ប៉ុន្តែមានភាពរឹងមាំ និងសម្រុកទៅកាន់ចំនុចខ្សោយរបស់ដៃគូរ។”
តាមពិតទៅ នៅក្បួនសឹកស៊ុនអ៊ូ មានយុទ្ធសាស្ត្រទាក់ទងនឹង ចិត្តវិទ្យា ភូមិសាស្ត្រ ការដឹកនាំកងទ័ពអោយខ្លាំង និងការគ្រប់គ្រងធនធាន។ ដូចនេះក្រៅពីការធ្វើសឹកសង្គ្រាម យុទ្ធសាស្ត្រស៊ុនអ៊ូអាចបម្រើគំនិតធ្វើពាណិជ្ជកម្មបានថែមទៀត។ នេះក៏ព្រោះតែវាផ្ដោតសំខាន់ទៅលើការស្វែងរកផ្លូវដ៏ងាយស្រួលបំផុតដើម្បីសម្រេចនូវគោលដៅជាក់លាក់។ វិធីសាស្ត្ររបស់គាត់អាចយកទៅអនុវត្តន៍នៅក្នុងការកែរប្រែទម្លាប់អោយល្អ ឬអនុវត្ថន៍ក្នុងទិសដៅទាំងឡាយណាដែលយើងបានកំណត់ទុក។
ប្រយុទ្ធដើម្បីទទួលបានទម្លាប់ល្អ
ជារឿយៗ យើងតែងតែចង់ផ្លាស់ប្តូរទម្លាប់អាក្រក់របស់យើងចេញអោយអស់។ ការផ្លាស់ប្ដូរនេះ ទោះតិចតួច ឬច្រើនក្ដី គោលដៅរបស់យើងគឺចង់ទទួលបាននូវជោគជ័យនៅក្នុងជីវិតដោយចាប់ផ្ដើមជាមួយនឹងទម្លាប់ល្អៗ។ ក្នុងន័យនេះ ទម្លាប់អាក្រក់ប្រៀបដូចទៅនឹងសត្រូវរបស់យើង។ ដូចឆ្នេះ ចម្បាំងរបស់យើងនៅក្នុងកាលទេសៈនេះគឺចម្បាំងជាមួយទម្លាប់អាក្រក់របស់យើង។
ឧទាហរណ៍៖
- អ្នកចង់សម្រកទម្ងន់ដោយការបន្ថយការញាំ ខណៈពេលដែលអ្នកទៅញាំអាហារពេលល្ងាចជាមួយនឹងមិត្តភក្ដិរបស់អ្នក។
- អ្នកចង់ផ្ដោតអារម្មណ៍ក្នុងការធ្វើកិច្ចការអ្វីមួយ ខណៈពេលដែលដៃរបស់អ្នកកំពុងតែកាន់ទូរស័ព្ទដៃស្មាតហ៊្វូន។
តាមពិតទៅ ការបរាជ័យក្នុងការសម្រេចអោយដល់គោលដៅមិនមែនមកពីយើងមិនមានការតាំងចិត្តខ្ពស់នោះទេ។ តែការបរាជ័យនេះគឺជាលទ្ធផលនៃកំសោយនៃការប្រើប្រាស់យុទ្ធសាស្ត្រ។
តាមក្បួនសឹកស៊ុនអ៊ូ មេទ័ពដែលមានភាពឆ្លាតវៃវាយលុកដៃគូរដែលខ្សោយជាមុនសិនដើម្បីពង្រឹងនូវឥទ្ធិពល ក៏ដូចជាជំហររបស់យើង។ កងទ័ពត្រូវការរយៈពេលវែងដើម្បីពង្រឹងទាំងបរិមាណ និងគុណភាព (គម្លាំងទ័ព)។ ដូចគ្នានេះដែល ការផ្លាស់ប្ដូរទម្លាប់របស់យើង យើងមិនមែនធ្វើឡើងក្នុងរយៈពេលតែមួយ ឬពីរថ្ងៃនោះទេ។ ត្រូវចាំថាការផ្លាស់ប្តូរគឺជាដំណើរការ។ វាត្រូវការរយៈពេលយូរ។ ហើយការផ្លាស់ប្ដូរទំលាប់អាក្រក់នេះទៀតសោធត្រូវចាប់ចាប់ផ្ដើមចេញពីទម្លាប់ដែលមានភាពងាយស្រួលចំពោះយើងក្នុងការផ្លាស់ប្ដូរ។ ហើយយើងផ្លាស់ប្ដូរបន្តិចម្ដងៗរហូតទៅដល់គោលដៅចុងក្រោយរបស់យើង។
តោះ! សាកល្បងជាមួយនឹងការបង្រៀនរបស់ស៊ុនអ៊ូក្នុងការផ្លាស់ប្ដូរទម្លាប់។
ឧទាហរណ៍១៖
- ស៊ុនអ៊ូ៖ អ្នកប្រាកដជាជោគជ័យប្រសិនបើអ្នកវាយលុកទ័ពសត្រូវតែកន្លែងដែលពួកគេមិនមានការការពារ។
- Adapted៖ អ្នកប្រកដជាជោគជ័យក្នុងការផ្លាស់ប្ដូរទម្លាប់របស់អ្នកប្រសិនបើអ្នកកសាងទម្លាប់ដែលអ្នកគិតថាងាយស្រួលនឹងសម្រេចបាន។
ឧទាហរណ៍២៖
- ស៊ុនអ៊ូ៖ អ្នកនឹងឈ្នះនៅពេលដែលដឹងថាពេលណាត្រូវប្រយុទ្ធ (ឧ. ទ័ពយើងច្រើនជាង) ពេលណាដែលមិនត្រូវប្រយុទ្ធ (ឧ. ទ័ពយើងតិចជាង)។
- Adapted៖ អ្នកនឹងមានការវិវឌ្ឍន៍ឥរិយាបថរបស់អ្នកនៅពេលដែលដឹងថាទម្លាប់ណាត្រូវចាប់ផ្ដើមមុន ទម្លាប់ណាត្រូវចាប់ផ្ដើមបន្ទាប់បន្សំ។
ឧទាហរណ៍៣៖
- ស៊ុនអ៊ូ៖ មេទ័ពដែលវ័យឆ្លាតជៀសមិនប្រយុទ្ធនឹងសត្រូវនៅពេលដែលពួកគេមានការប្រុងប្រយ័ត្នខ្ពស់ តែប្រយុទ្ធនៅពេលដែលសត្រូវខ្វះការប្រុងប្រយ័ត្ន។
- Adapted៖ អ្នកដែលឆ្លាតមិនកែប្រែទម្លាប់អាក្រក់ដែលចាក់ឬសមាំនោះទេ តែចាប់ផ្ដើមពីកន្លែងដែលអាចកែបាន។
ការប្រយុទ្ធដែលល្អប្រសើរ មិនត្រឹមតែទាមទារអោយមានឆន្ទៈខ្ពស់នោះទេ តែទាមទារអោយមានយុទ្ធសាស្ត្រខ្ពស់ដែរ។
- ប្រសិនបើអ្នកកំពុងតែព្យាយាមអានសៀវភៅ ចូលរកកន្លែងដែលមិនមានការរំខានដល់អារម្មណ៍របស់អ្នក។ (ឧទាហរណ៍៖ បើអ្នកតែងតែមានអារម្មណ៍ចង់គេងនៅក្នុបន្ទប់គេងរបស់អ្នក គួរជៀសវាងអានសៀវភៅនៅកក្នុងបន្ទប់របស់អ្នក)
- ប្រសិនបើត្រូវបានមនុស្សនៅជុំវិញខ្លួនអ្នករំខាន់ដល់ការសម្រេចលើគោលដៅរបស់អ្នក ចូលដើរចេញពីមនុស្សទាំងនោះ និងរកអ្នកដែលមានចិត្ត ឬគំនិតដូចអ្នក ឬជាអ្នកដែលមានគោលដៅរួមដូចអ្នក។
នេះគ្រាន់តែជាការយកទ្រឹស្តីស៊ុនអ៊ូមកអនុវត្តជាមួយការទទួលបានទម្លាប់ល្អទេ។
តាមពិតទ្រឹស្តីរបស់ស៊ុនអ៊ូអាចត្រូវបានប្រើប្រាស់ក្នុងវិស័យយោធា សេដ្ឋកិច្ច
និងការគ្រប់គ្រងមនុស្សបានថែមទៀតផង។
ស៊ុនអ៊ូគឺជាអ្នកយុទ្ធសាស្រ្តសង្គ្រាមដែលពូកែប្រើចិត្តវិទ្យា
និងភូមិសាស្រ្តដែលសូមប្បីតែ ជូកឺលាង និងឆាវឆាវ
ក៏បានយកទ្រឹស្តីរបស់គាត់មកអនុវត្តផងដែរ។
សៀវភៅខាងក្រោមនេះគឺជា សិល្បះសង្គ្រាម
របស់ស៊ុនអ៊ូដែលបានបកប្រែជាភាសាអង់គ្លេសដោយលោក Thomas Cleary។
បើសិនជាលោកអ្នកមានចំណាប់អារម្មណ៍អាចរកជាវបានដោយធ្វើការការកុម៉្មង់ទុក។
