"កម្ពុជាមិនជំទាស់ និងការផ្សាយអំពីទីតាំងឆបោកអនឡាញនោះទេ ព្រោះវាជាបញ្ហាអន្តរជាតិ ប៉ុន្តែអង្គភាពសារព័ត៌មាន ABC អូស្ត្រាលី ត្រូវតែសុំទោសកម្ពុជា ពីបទរំលោភច្បាប់អន្តរជាតិ ឆ្លងដែនខុសច្បាប់ និងផ្សព្វផ្សាយព័ត៌មានតាមការបង្គាប់បញ្ជារបស់ភាគីថៃ លើទឹកដីកម្ពុជាដែលថៃកំពុងគ្រប់គ្រងដោយខុសច្បាប់"
សហគមន៍អន្តរជាតិបានដឹងរួចហើយថា÷ ដែនដីតំបន់អូរស្មាច់ ស្ថិតក្នុងខេត្តឧត្តរមានជ័យ គឺជាផ្នែកមួយដែលមិនអាចកាត់ផ្តាច់បាននៃទឹកដីព្រះរាជាណាចក្រកម្ពុជា ក្រោមការកំណត់ព្រំដែនច្បាស់លាស់តាមលក្ខខណ្ឌច្បាប់អន្តរជាតិ។
តំបន់នេះស្ថិតនៅក្រោមអធិបតេយ្យភាពរបស់កម្ពុជា (Sovereignty of Cambodia) ដោយមានមូលដ្ឋានគតិយុត្តរឹងមាំដូចតទៅ៖
១. ព្រំដែនមានការព្រមព្រៀង និងបោះបង្គោលរួច (Agreed and Demarcated Boundary)÷
តំបន់អូរស្មាច់ស្ថិតនៅក្នុងខ្សែបន្ទាត់ព្រំដែនដែលបានកំណត់ដោយ៖
· សន្ធិសញ្ញាច្បាស់លាស់ (Formal Treaty) រវាងព្រះរាជាណាចក្រកម្ពុជា និងព្រះរាជាណាចក្រថៃ
· ផែនទីភ្ជាប់ជាផ្លូវការ (Official Annexed Maps)
· ការបោះបង្គោលដោយគណៈកម្មការព្រំដែនរួម (Joint Boundary Commission – JBC)
ដូច្នេះ ខ្សែបន្ទាត់ព្រំដែននេះត្រូវបានចាត់ទុកជា "ព្រំដែនមានការព្រមព្រៀង និងកំណត់លើដីជាក់ស្តែង" (Internationally Agreed and Demarcated Boundary) ដោយមានការទទួលស្គាល់ពីសហគមន៍អន្តរជាតិ។
២. ការរំលោភអធិបតេយ្យភាពដោយកម្លាំងយោធាថៃ (Violation of Territorial Sovereignty by Thai Military Force)
ក្នុងសង្រ្គាមជុំទី កាលពីថ្ងៃទី២៧៦ ខែធ្នូ ឆ្នាំ២០២៥ មុនការប្រកាសបទឈប់បាញ់ នៅថ្ងៃទី២៧ ខែធ្នូ ឆ្នាំ២០១៥ កម្លាំងយោធាថៃបានប្រើប្រាស់កម្លាំងប្រដាប់អាវុធ (Use of Armed Force) ចូលកាន់កាប់តំបន់អូរស្មាច់ ដោយបណ្តេញ ប្រជាជនជន រដ្ឋបាល និងកម្លាំងសមត្ថកិច្ចកម្ពុជា ចេញពីតំបន់នោះ ដែលពេលនេះ មានជនភៀសខ្លួន រាប់ម៉ឺននាក់ ស្នាក់នៅជំរំជនភៀសខ្លួន និងផ្ទះបណ្តោះអាសន្ន មិនអាចចូលផ្ទះទៅកាន់សម្បែង របស់ពួកគេ នៅឡើយ ។
សកម្មភាពនេះបានកើតឡើងដោយគ្មានមូលដ្ឋានច្បាប់អន្តរជាតិត្រឹមត្រូវណាមួយឡើយ មិនថាជាសន្ធិសញ្ញាថ្មី ការយល់ព្រមពីភាគីកម្ពុជា ឬអាណត្តិរបស់អង្គការសហប្រជាជាតិ (UN Mandate) នោះទេ។
ក្រោមគោលការណ៍ច្បាប់អន្តរជាតិ សកម្មភាពរបស់ថៃនេះត្រូវបានចាត់ទុកយ៉ាងច្បាស់ថាជា៖
· "ការរំលោភអធិបតេយ្យភាពទឹកដី" (Violation of Territorial Sovereignty)
· ក្នុងលក្ខខណ្ឌធ្ងន់ធ្ងរ អាចឈានទៅដល់ "អំពើឈ្លានពាន" (Act of Aggression)
សកម្មភាពទាំងនេះគឺជាការរំលោភបំពានយ៉ាងធ្ងន់ធ្ងរលើ ធម្មនុញ្ញអង្គការសហប្រជាជាតិ មាត្រា ២(៤) [United Nations Charter, Article 2(4)] ដែលហាមឃាត់ការគំរាមកំហែង ឬប្រើប្រាស់កម្លាំងប្រឆាំងនឹងបូរណភាពទឹកដី ឬឯករាជ្យភាពនយោបាយនៃរដ្ឋណាមួយ។ ក្រោយបទឈប់បាញ់ យោធាថៃនៅតែបន្តគ្រប់គ្រងតំបន់នេះ ដោយបានដំឡើងរបាំងលួសបន្លា (Barbed Wire Fencing) ដែលជាសកម្មភាពពង្រឹងការកាន់កាប់ដោយខុសច្បាប់។
៣. ការរំលោភច្បាប់អន្តរជាតិរបស់ភ្នាក់ងារ អង្គភាពសារព័ត៌មាន ABC Australia÷
អ្នកសារព័ត៌មាននៃអង្គភាព ABC អូស្ត្រាលី បានធ្វើដំណើរឆ្លងកាត់ព្រំដែនអន្តរជាតិដោយខុសច្បាប់ (Illegal Border Crossing) ចូលមកកាន់តំបន់អូរស្មាច់ តាមរយៈការសម្របសម្រួល និងការណែនាំរបស់កម្លាំងយោធាថៃដែលកំពុងកាន់កាប់តំបន់នេះដោយខុសច្បាប់។
គួរកត់សម្គាល់ថា អ្នកសារព័ត៌មានរូបនេះបានដឹង និងទទួលស្គាល់យ៉ាងច្បាស់នៅក្នុងសេចក្តីរាយការណ៍របស់ខ្លួនថា៖
· អគារកាស៊ីណូដែលខ្លួនកំពុងថត និងផ្សាយ គឺជា កម្មសិទ្ធិរបស់ប្រជាជនកម្ពុជា ដែលជួលទៅអោយក្រុមហ៊ុនបរទេស ។
· អគារនោះស្ថិតនៅក្នុង "តំបន់កាស៊ីណូអូរស្មាច់ ខេត្តឧត្តរមានជ័យ ប្រទេសកម្ពុជា" ។
· បច្ចុប្បន្នអគារនេះស្ថិតក្រោមការគ្រប់គ្រងរបស់យោធាថៃក្នុងកំឡុងពេលសង្គ្រាមជុំទីពីរ មុនបទឈប់បាញ់ ។
ការទទួលស្គាល់នេះគឺជាការបញ្ជាក់យ៉ាងច្បាស់ថា អ្នកសារព័ត៌មានរូបនោះបានដឹងថាខ្លួនកំពុងឈរនៅលើទឹកដីដែលជាកម្មសិទ្ធិស្របច្បាប់របស់កម្ពុជា ប៉ុន្តែត្រូវបានកាន់កាប់ដោយយោធាថៃដោយខុសច្បាប់។ ទោះជាយ៉ាងណា បុគ្គលិក ABC រូបនោះនៅតែជ្រើសរើសឆ្លងដែនខុសច្បាប់តាមការណែនាំរបស់យោធាថៃ ដែលជាការរួមឃុបខិតគ្នា រំលោភលើអធិបតេយ្យភាពកម្ពុជា និងច្បាប់អន្តរជាតិ ជាមួយយោធាថៃ ។
៤. ការបាត់បង់អព្យាក្រឹតភាព និងការរំលោភក្រមសីលធម៌វិជ្ជាជីវៈសារព័ត៌មាន (Loss of Neutrality and Violation of Journalistic Code of Ethics)÷
ព្រះរាជាណាចក្រកម្ពុជា មិនជំទាស់ចំពោះការផ្សាយព័ត៌មានអំពីបញ្ហាឆបោកតាមអនឡាញ (Online Scams) នោះទេ។ ផ្ទុយទៅវិញ រាជរដ្ឋាភិបាលកម្ពុជា ក៏ដូចជារដ្ឋាភិបាលនានាលើពិភពលោក កំពុងយកចិត្តទុកដាក់យ៉ាងខ្លាំង និងសហការគ្នាដើម្បីកម្ចាត់ និងលប់បំបាត់អំពើឆបោកតាមអនឡាញនេះ។
ប៉ុន្តែអ្វីដែលកម្ពុជាជំទាស់យ៉ាងដាច់អហង្ការ គឺការដែលភ្នាក់ងារសារព័ត៌មាន ABC បានចូលទៅផ្សព្វផ្សាយអំពីបញ្ហានេះ ដោយមានការរៀបចំ និងសម្របសម្រួលពីយោធាថៃ ដែលជាភាគីកំពុងឈ្លានពាន និងកាន់កាប់ទឹកដីកម្ពុជាដោយខុសច្បាប់។ ការធ្វើបែបនេះបានធ្វើឱ្យបាត់បង់នូវ "អព្យាក្រឹតភាពនៃសារព័ត៌មាន" (Journalistic Neutrality / Impartiality) និងជាការរំលោភយ៉ាងធ្ងន់ធ្ងរលើគោលការណ៍គ្រឹះនៃក្រមសីលធម៌វិជ្ជាជីវៈសារព័ត៌មាន (Code of Ethics in Journalism) ទាំងថ្នាក់ជាតិ និងអន្តរជាតិ។
ការពឹងផ្អែកលើការសម្របសម្រួលពីយោធានៃរដ្ឋឈ្លានពាន (Occupying Power) ដើម្បីទទួលបានការចូលទៅកាន់ទឹកដីដែលកំពុងកាន់កាប់ដោយខុសច្បាប់ គឺជាសកម្មភាពដែលផ្ទុយនឹងគោលការណ៍ "ឯករាជ្យភាពនៃសារព័ត៌មាន" (Independence of the Press)។ លើសពីនេះ វាបង្កើតឱ្យមានទំនាស់ផលប្រយោជន៍ (Conflict of Interest) ដែលធ្វើឱ្យខូចដល់ "សុចរិតភាព" (Integrity) និង "ភាពត្រឹមត្រូវ" (Accuracy) នៃព័ត៌មានដែលផ្សាយចេញ។
យោងតាម សេចក្តីប្រកាសស្តីពីគោលការណ៍ក្រមសីលធម៌សារព័ត៌មានអន្តរជាតិ (Declaration of Principles on the Code of Ethics for International Journalists) របស់អង្គការយូណេស្កូ (UNESCO) អ្នកសារព័ត៌មានត្រូវតែគោរពអធិបតេយ្យភាព និងច្បាប់របស់រដ្ឋដែលខ្លួនកំពុងប្រតិបត្តិការ ហើយមិនត្រូវអនុញ្ញាតឱ្យខ្លួនក្លាយជាឧបករណ៍នៃការឃោសនា (Instrument of Propaganda) សម្រាប់ភាគីណាមួយដែលកំពុងរំលោភច្បាប់អន្តរជាតិឡើយ។
សេចក្តីស្នើសុំ និងការទាមទារ÷
ដោយផ្អែកលើហេតុផលខាងលើ ព្រះរាជាណាចក្រកម្ពុជា សូមទាមទារដូចតទៅ៖
១. អង្គភាពសារព័ត៌មាន ABC អូស្ត្រាលី ត្រូវចេញមុខសុំទោសជាសាធារណៈ (Issue a Public Apology) ចំពោះការរំលោភច្បាប់អន្តរជាតិ តាមរយៈការឆ្លងដែនខុសច្បាប់ចូលមកកាន់ទឹកដីកម្ពុជា ដោយមានការសម្របសម្រួលពីយោធាថៃដែលជាភាគីកាន់កាប់ដោយខុសច្បាប់។
២. អង្គភាពសារព័ត៌មាន ABC ត្រូវពិនិត្យឡើងវិញ (Review) អំពីក្រមសីលធម៌វិជ្ជាជីវៈរបស់ខ្លួន និងធានាថាបុគ្គលិករបស់ខ្លួនគោរពយ៉ាងម៉ឺងម៉ាត់នូវច្បាប់ជាតិ និងច្បាប់អន្តរជាតិ ជាពិសេសគោលការណ៍អធិបតេយ្យភាពរដ្ឋ (Principle of State Sovereignty) និងបូរណភាពទឹកដី (Territorial Integrity)។
កម្ពុជារក្សាសិទ្ធិក្នុងការចាត់វិធានការផ្លូវច្បាប់ និងការទូតបន្ថែមទៀត ដើម្បីការពារអធិបតេយ្យភាព និងកិត្យានុភាពជាតិរបស់ខ្លួន៕
ឯកសារយោង (References):
១. ធម្មនុញ្ញអង្គការសហប្រជាជាតិ មាត្រា ២(៤) | Charter of the United Nations, Article 2(4) – ហាមឃាត់ការគំរាមកំហែង ឬប្រើប្រាស់កម្លាំងប្រឆាំងនឹងបូរណភាពទឹកដី ឬឯករាជ្យភាពនយោបាយនៃរដ្ឋណាមួយ។
២. សេចក្តីសម្រេចរបស់មហាសន្និបាតអង្គការសហប្រជាជាតិ លេខ ៣៣១៤ (XXIX) ស្តីពីនិយមន័យនៃអំពើឈ្លានពាន | UN General Assembly Resolution 3314 (XXIX) – Definition of Aggression, មាត្រា ៣ – កំណត់និយមន័យនៃអំពើឈ្លានពាន រួមទាំងការឈ្លានពាន ឬការកាន់កាប់ទឹកដីរដ្ឋមួយដោយកម្លាំងយោធារបស់រដ្ឋមួយទៀត។
៣. សេចក្តីប្រកាសស្តីពីគោលការណ៍ច្បាប់អន្តរជាតិទាក់ទងនឹងទំនាក់ទំនងមិត្តភាព និងកិច្ចសហប្រតិបត្តិការរវាងរដ្ឋ | UN General Assembly Resolution 2625 (XXV) – Declaration on Principles of International Law concerning Friendly Relations and Co-operation among States – បញ្ជាក់ពីគោលការណ៍ហាមឃាត់ការប្រើប្រាស់កម្លាំង និងការគោរពបូរណភាពទឹកដី។
៤. សន្ធិសញ្ញាព្រំដែនកម្ពុជា-ថៃ | Cambodia-Thailand Boundary Treaty and related Joint Boundary Commission (JBC) documents – ឯកសារគតិយុត្តដែលបញ្ជាក់ពីការកំណត់ និងបោះបង្គោលព្រំដែនរួម។
៥. គោលការណ៍ក្រមសីលធម៌សារព័ត៌មានអន្តរជាតិ (UNESCO) | UNESCO's Declaration of Principles on the Code of Ethics for International Journalists – គោលការណ៍ស្តីពីឯករាជ្យភាព ភាពត្រឹមត្រូវ និងការគោរពច្បាប់ជាតិក្នុងការប្រមូល និងផ្សព្វផ្សាយព័ត៌មាន។
#UNSC #ICC #UN #drone #war3 #nuclear #missile #war1 #war2 #war #thaigirl #thailand🇹🇭 #ScammerAlert #scammers #thailand #Thailandopenfire #ThaiPolitics #OnlineScam #scammer #boycott #thailandtravel #thai #abc
