ដំណើរទស្សនកិច្ចជាផ្លូវការរបស់លោកប្រធានាធិបតីវៀតណាម តូ ឡឹម ទៅកាន់រាជធានីបាងកកឋានសួគ៏ អវីចីរបស់ប្រទេសចោរសៀម ហើយនឹងបន្តទៅកាន់សិង្ហបុរីនោះ ត្រូវបានក្រុមអ្នកវិភាគបែបល្ងង់ទូនៅសៀមឯនុះ យកមកធ្វើជាប្រធានបទវាយប្រហារ និងសើចចំអកដល់កម្ពុជា ដែលប្រហែលជាវាមិនបានដឹងទេថាលោកតូ ឡឹមបានមកបំពេញទស្សនកិច្ចនៅកម្ពុជាតាំងពីខែកុម្ភៈម៉្លេះ។
ឆ្លៀតឃើញដូច្នោះហើយខ្ញុំក៏សុំការអនុញ្ញាតនាំរឿងវៀតណាមយកមកចែករំលែកជូនបងប្អូនប្រិយមិត្តគ្រាន់ជាព័ត៌មាន និងការកម្សាន្ត៖
ចាប់តាំងពីឡើងកាន់តំណែងខ្ពស់បំផុតរបស់វៀតណាមមក លោកតូ ឡឹម វ័យ៦៨ឆ្នាំ តែងតែបំពេញទស្សនកិច្ចទៅក្រៅប្រទេសយ៉ាងញឹកញាប់លើសពីទំនៀមការទូតធម្មតា ដែលធ្វើឱ្យអ្នកខ្លះវិភាគមួយចំនួនការដើរចេញក្រៅប្រទេសច្រើនពេករបស់លោកតូ ឡឹម គឺប្រៀបបានដូចជាតារាធ្វើ World Tour ជាជាងថ្នាក់ដឹកនាំនយោបាយ។ ប៉ុន្តែសម្រាប់អ្នកវិភាគនយោបាយច្បាស់លាស់ផ្តល់ជាគំនិតថាមិនមានអ្វីចំឡែកនោះទេ ព្រោះរាល់ដំណើររបស់លោកតូ ឡឹមគឺសុទ្ធតែគ្រោងទុកមុនប្រកបដោយគោលដៅជាក់ច្បាស់។ នៅពេលឡើងកាន់តំណែងជាប្រធានាធិបតី លោកតូ ឡឹម បានសន្យាថានឹងនាំវៀតណាមឱ្យក្លាយទៅជាមហាអំណាចថ្នាក់កណ្តាលដែលកំពុងលេចធ្លោ Rising Middle Power ជាពិសេសមិនចង់ឱ្យវៀតណាមជាអ្នកដើរតាមផ្លូវគូសវៀស ឬខ្សែញាក់របស់មហាអំណាចធំៗទៀតទេ គឺវៀតណាមគឺមានសិទ្ធិជាអ្នកកំណត់ផ្លូវដើរ និងដាក់លក្ខខណ្ឌវិញម្តង។ ការដើរចេញទៅក្រៅប្រទេសរបស់លោកតូ ឡឹមសុទ្ធតែទាញប្រយោជន៍មហាសាលដល់ប្រទេសខ្លួន ហើយកន្លងមកសុទ្ធតែជាមហាអំណាចធំៗដូចជា៖
• ក្នុងអំឡុងខែកុម្ភៈ លោកតូ ឡឹមបានទៅចូលរួមកិច្ចប្រជុំ Board of Peace នៅរដ្ឋធានីវ៉ាស៊ីនតោន ដែលជាគំនិតផ្តួចផ្តើមរបស់លោកតាមហាត្រាំ។ នេះជាលើកទី១ដែលលោកតូឡឹមបានជួបលោកតាមហាត្រាំក្នុងឋានៈជាប្រធានាធិបតី ហើយក៏ឆ្លៀតពេលអញ្ជើញលោកតាត្រាំឱ្យមកចូលរួមកិច្ចប្រជុំកំពូល APEC នៅឆ្នាំក្រោយនៅលើកោះត្រល់ផងដែរ។ នៅទីនោះដែរលោកតូឡឹមបានជួបជាមួយបណ្តាមេដឹកនាំផ្សេងៗទៀតជាលក្ខណៈយ៉ាងសកម្មដែលមិនធ្លាប់មាន។
• ក្នុងអំឡុងខែមេសា លោកតូឡឹមបានជ្រើសទៅប្រទេសចិនមុនគេក្នុងនាមជាប្រធានរដ្ឋផង និងអគ្គលេខាបក្សកុម្មុយនីស្តអាណត្តិទី២ ហើយនេះមិនត្រឹមតែបន្ថយកំដៅនៅសមុទ្រចិនភាគខាងត្បូងប៉ុណ្ណោះទេ តែថែមទាំងពង្រីកកំណើនពាណិជ្ជកម្មទ្វេភាគី និងគម្រោងហេដ្ឋារចនាសម័ន្ធយ៉ាងច្រើន
• កាលពីដើមខែឧសភានេះ ក្រោយពីជួបលោកស្រីសាណាអិ ថាកាអ៊ិឈិ នាយករដ្ឋមន្រ្តីជប៉ុន លោកតូឡឹមក៏ទៅបំពេញទស្សនកិច្ចផ្លូវរដ្ឋនៅឥណ្ឌាហើយទទួលបាននូវពាណិជ្ជកម្មទ្វេភាគីមានតម្លៃជាង ២៥,០០០លានដុល្លារ និងក៏ដូចជាសហប្រតិប្តិការយោធា និងវិស័យ EV ផងដែរ។
យុទ្ធសាស្ត្ររបស់លោក តូ ឡឹម ក្នុងការនាំវៀតណាមទៅជា Rising Middle Power គឺការរួមបញ្ចូលគ្នារវាង សេដ្ឋកិច្ចបើកចំហរឹងមាំ + ការទូតបត់បែនមានតុល្យភាព (Bamboo Diplomacy) + ស្ថេរភាពសន្តិសុខផ្ទៃក្នុង។ វៀតណាមមិនត្រឹមតែចង់ក្លាយជាខ្លាសេដ្ឋកិច្ចនោះទេ ប៉ុន្តែចង់ក្លាយជាតួអង្គភូមិសាស្ត្រនយោបាយមួយដែលមានសំឡេង និងឥទ្ធិពលដែលមិនអាចរំលងបាននៅក្នុងតំបន់ឥណ្ឌូ-ប៉ាស៊ីហ្វិក ហើយ
ការដែលមហាអំណាចធំៗ (ដូចជា សហរដ្ឋអាមេរិក ចិន ឥណ្ឌា ជប៉ុន ។ល។) បែរមកចាប់អារម្មណ៍ និងប្រជែងគ្នាចងការទូតជាមួយវៀតណាមយ៉ាងខ្លាំងក្លានៅពេលនេះ មិនមែនជារឿងចៃដន្យឡើយ។ វាមានហេតុផលយុទ្ធសាស្ត្រធំៗចំនួន ៤ យ៉ាង៖
១. ទីតាំងភូមិសាស្ត្រនយោបាយដ៏មានតម្លៃ (Geopolitical Sweet Spot)
វៀតណាមមានលក្ខណៈអំណោយផលខ្លាំងផ្នែកភូមិសាស្ត្រ ដែលធ្វើឱ្យប្រទេសនេះក្លាយជាចំណុចយុទ្ធសាស្ត្រនៅតំបន់ឥណ្ឌូ-ប៉ាស៊ីហ្វិក៖
• ទ្វារចំហរឆ្ពោះទៅសមុទ្រចិនខាងត្បូង៖ វៀតណាមមានខ្សែឆ្នេរសមុទ្រវែងជាង ៣,២៦០ គីឡូម៉ែត្រ ជាប់សមុទ្រចិនខាងត្បូង (វៀតណាមហៅថា សមុទ្រខាងកើត) ដែលជាផ្លូវនាវាចរណ៍ពាណិជ្ជកម្មអន្តរជាតិដ៏មមាញឹកបំផុតមួយលើលោក។
• រនាំងយុទ្ធសាស្ត្រ៖ សម្រាប់អាមេរិក និងសម្ព័ន្ធមិត្ត វៀតណាមគឺជាដៃគូដ៏សំខាន់ក្នុងការរក្សាតុល្យភាពអំណាច និងទប់ទល់នឹងការពង្រីកឥទ្ធិពលយោធារបស់ចិននៅក្នុងតំបន់សមុទ្រនេះ។
២. តួអង្គគន្លឹះក្នុងការបង្វែរខ្សែច្រវាក់ផ្គត់ផ្គង់ (China+1 Strategy)
នៅក្នុងបរិបទនៃសង្គ្រាមពាណិជ្ជកម្ម និងភាពតានតឹងរវាងអាមេរិក និងចិន ក្រុមហ៊ុនបច្ចេកវិទ្យាយក្សៗលើលោកកំពុងអនុវត្តយុទ្ធសាស្ត្រ «China + 1» (ការកាត់បន្ថយការពឹងផ្អែកលើរោងចក្រនៅចិនតែមួយគត់)។ វៀតណាមបានក្លាយជាជម្រើសទីមួយ ដោយសារ៖
• មានស្ថេរភាពនយោបាយខ្ពស់ (ដឹកនាំដោយបក្សតែមួយ គ្មានការផ្លាស់ប្តូររដ្ឋាភិបាលញឹកញាប់)។
• កម្លាំងពលកម្មមានតម្លៃសមរម្យ វ័យក្មេង និងមានជំនាញផ្នែកបច្ចេកវិទ្យាកើនឡើង។
• ក្រុមហ៊ុនធំៗដូចជា Apple, Samsung, Intel, និង Foxconn បាន شفកទីតាំង ឬពង្រីករោងចក្រផលិតកម្មធំៗរបស់ខ្លួនទៅវៀតណាម ដែលធ្វើឱ្យប្រទេសនេះក្លាយជាមជ្ឈមណ្ឌលផលិតកម្មថ្មីរបស់ពិភពលោក។
៣. ទីផ្សារសេដ្ឋកិច្ចដែលកំពុងលូតលាស់ខ្លាំង
វៀតណាមមិនត្រឹមតែជាកន្លែងផលិតនោះទេ ប៉ុន្តែក៏ជាទីផ្សារដ៏ទាក់ទាញផងដែរ៖
• ចំនួនប្រជាជនជិត ១០០ លាននាក់៖ ដែលមានអាយុជាមធ្យមសក្ដិសមនឹងការប្រើប្រាស់ និងការងារ (Median age ប្រហែល ៣២ ឆ្នាំ)។
• វណ្ណៈកណ្តាល (Middle Class) កើនឡើងលឿនបំផុតមួយក្នុងតំបន់៖ ធ្វើឱ្យតម្រូវការលើទំនិញម៉ាកល្បីៗ បច្ចេកវិទ្យា ឡាន ផ្ទះសម្បែង និងសេវាកម្មហិរញ្ញវត្ថុកើនឡើងខ្លាំង ដែលជាឱកាសមាសសម្រាប់ក្រុមហ៊ុនបរទេស។
៤. គោលនយោបាយការបរទេស «វៃឆ្លាត» (Bamboo Diplomacy)
មហាអំណាចចាប់អារម្មណ៍វៀតណាម ក៏ព្រោះតែវៀតណាមខ្លួនឯងចេះបើកទ្វារទទួលគ្រប់ភាគី៖
• វៀតណាមលេងហ្គេមការទូតដោយមិនជ្រើសរើសខាង (Neutrality) ប៉ុន្តែធ្វើជាមិត្តជាមួយគ្រប់គ្នា។ វៀតណាមជាប្រទេសមួយក្នុងចំណោមប្រទេសតិចតួចបំផុតលើលោក ដែលអាចដំឡើងកម្រិតទំនាក់ទំនងទៅជា «ភាពជាដៃគូយុទ្ធសាស្ត្រគ្រប់ជ្រុងជ្រោយ» (Comprehensive Strategic Partnership) ជាមួយទាំង ចិន អាមេរិក រុស្ស៊ី ជប៉ុន អូស្ត្រាលី ឥណ្ឌា និងកូរ៉េខាងត្បូង ក្នុងពេលដំណាលគ្នា។
មហាអំណាចធំៗចាប់អារម្មណ៍លើវៀតណាម ព្រោះវៀតណាមមានទាំង «អំណាចភូមិសាស្ត្រយោធា» ដែលអាចជួយជជែករឿងសន្តិសុខតំបន់ និងមាន «អំណាចសេដ្ឋកិច្ចបច្ចេកវិទ្យា» ដែលមិនអាចខ្វះបាននៅក្នុងខ្សែច្រវាក់ផលិតកម្មសកលលោក។
សូមរង់ចាំទស្សនាភាគបន្ត
