សេចក្ដីឧបមារបស់ជីវិតមាន ៧ប្រការ
១ ជីវិតដូចដំណក់ទឹកសន្សើម ទឹកសន្សើមកាលត្រូវពន្លឺព្រះអាទិត្យ ក៏នឹងហួតហែងមិនអាចតាំងនៅយូរបាន ជីវិតកាលបើកើតឡើងហើយក៏មានចាស់ជរា ព្យាធិ មរណៈ រង់ចាំដុតបំផ្លាញរំលាយរូបរាងឱ្យវិនាសទៅគ្រប់ខណៈមិនបានដល់១០០ឆ្នាំផង ។
២ ជីវិតដូចក្រពេញទឹក ដំណក់ទឹកភ្លៀងដែលធ្លាក់ចុះមកប៉ះផែនដី ក៏រលាយខ្លួនភ្លាមជីវិតក៏តាំងនៅមិនបានយូរ ដូចជាដំណក់ទឹកដូច្នោះដែរ ។
៣ ជីវិតដូចកំណាត់ឈើដែលគូសក្នុងទឹក មួយភ្លេតក៏ជិតដូចដើមវិញ មនុស្សនៅមាន ជីវិតក៏ដូចគ្នា បើនៅមានបច្ច័យទំនុកបំរុង ក៏តាំងនៅបាន ។
៤ ជីវិតដូចទឹកជ្រោះហូរធ្លាក់ពីភ្នំ ទឹកជ្រោះឬទឹកស្ទឹងរមែងនាំវត្ថុដែលនាំទៅបាន មិន មានឈប់ ថ្ងៃ និងយប់កន្លងទៅ ជីវិតក៏កន្លងទៅដូច្នោះដែរ ។
៥ ជីវិតដូចពពុះទឹកមាត់ ធម្មតាបុរសដែលមានកម្លាំងស្ដោះទឹកមាត់ពីចុងអណ្ដាតបាន យ៉ាងងាយ ជីវិតរលត់ទៅវិញបានយ៉ាងងាយក៏ដូច្នោះដែរ។
៦ ជីវិតដូចបន្ទះសាច់នៅលើភ្លើង បន្ទះសាច់ដាក់ក្នុងខ្ទះនៅលើភ្លើង ត្រូវភ្លើងកំដៅឆេះ យ៉ាងណា ជីវិតត្រូវភ្លើងកិលេស និងភ្លើងទុក្ខដុតបំផ្លាញយ៉ាងសាហាវ មិនអាចធន់នៅបានក៏ដូច្នោះដែរ ។
៧ ជីវិតដូចគោដែលគេនឹងសម្លាប់ គេនាំខ្លួនយកទៅទីសត្តឃាត ជីវិតក៏ត្រូវមច្ចុរាជអូសខ្លួនទៅរកសេចក្ដីស្លាប់ក៏ដូច្នោះដែរ ។
#ផ្ការំដួល
