ទោសនៃការទ្រុស្ដសីលមាន៥ប្រការ
១ ទុស្សីលោ បុគ្គលោ បុគ្គលទ្រុស្ដសីលជាទីស្អប់ខ្ពើមនៃមិត្រព្រហ្មចារី មិនជាទីស្រលាញ់របស់ទេវតា និងមនុស្សទាំងឡាយ បង្កើតសេចក្ដីក្ដៅក្រហល់ក្រហាយ មានពណ៌សម្បុរស្រពាប់ស្រពោន ធ្វើឱ្យទេយ្យធម៌របស់ទាយកមានផលតិចបណ្ឌិតមិនអាចជំរះអ្នកទ្រុស្ដសីលឱ្យបរិសុទ្ធបានឡើយ ។
២ ឧភតោបរិហានោ បុគ្គលទ្រុស្ដសីលនោះរមែងវិនាសចាកសម្បត្តិទាំងពីរគឺសមណ-សម្បត្តិ១ និងគិហិសម្បត្តិ១ ។
៣ ភិក្ខុភាវំ បដិជានន្តោបិ បុគ្គលទ្រុស្ដសីលនោះសូម្បីប្ដេជ្ញាខ្លួនថា ជាភិក្ខុ ក៏មិនមែនជាភិក្ខុ ដោយពិតរមែងភ្ញាក់ផ្អើលជានិច្ច ។
៤ អសំវាសរហោ បុគ្គលទ្រុស្ដសីលនោះ រមែងមិនគួរដល់សំវាស ដោយសព្រហ្មចារីទេ សូម្បីនឹងជាពហុស្សូត ក៏មិនគួរដល់សក្ការៈបូជាឡើយ ។
៥ អភព្វោ វិសេសាធិគមេ បុគ្គលទ្រុស្ដសីលនោះរមែងមិនគួរត្រាស់ដឹងធម៌វិសេសទេ ជាអ្នកមិនមានសេចក្ដីប្រាថ្នាក្នុងបដិបត្តិធម៌ និងបដិវេធធម៌ឡើយ ។
#ផ្ការំដួល #ការទ្រុស្ដសីល #សីល
