(អដ្ឋកថាគាថាធម្មបទ/រឿងវិឌូឌភៈ)
ម្នាលភិក្ខុទាំងឡាយ ត្រកូលដែលប្រកបដោយអង្គ ៩ ប្រការ បើមិនទាន់ចូលទៅទេ ក៏មិនគួរនឹងចូលទៅឡើយ ឬបើចូលទៅហើយ ក៏មិនគួរនឹងអង្គុយជិតឡើយ។ អង្គ ៩ ប្រការនោះមានអ្វីខ្លះ? គឺ
១. មិនក្រោកទទួលដោយពេញចិត្ត
២. មិនថ្វាយបង្គំដោយពេញចិត្ត
៣. មិនប្រគេនអាសនៈដោយពេញចិត្ត
៤. លាក់ទុកនូវរបស់ដែលមាន
៥. មានរបស់ច្រើន តែប្រគេនតិច
៦. មានរបស់ផ្អែមឆ្ងាញ់ តែប្រគេនរបស់អាក្រក់
៧. ប្រគេនដោយមិនគោរព មិនប្រគេនដោយគោរព
៨. មិនអង្គុយជិតដើម្បីស្ដាប់ធម៌ ៩. មិនយកចិត្តទុកដាក់ស្ដាប់ពាក្យដែលលោកសម្ដែង។ ម្នាលភិក្ខុទាំងឡាយ ត្រកូលដែលប្រកបដោយអង្គ
៩ ប្រការនេះឯង បើមិនទាន់ចូលទៅទេ ក៏មិនគួរនឹងចូលទៅឡើយ ឬបើចូលទៅហើយ ក៏មិនគួរនឹងអង្គុយជិតឡើយ។
ម្នាលភិក្ខុទាំងឡាយ ត្រកូលដែលប្រកបដោយអង្គ ៩ ប្រការ បើមិនទាន់ចូលទៅទេ ក៏គួរនឹងចូលទៅបាន ឬបើចូលទៅហើយ ក៏គួរនឹងអង្គុយជិតបាន។ អង្គ ៩ ប្រការនោះមានអ្វីខ្លះ? គឺ:
១. ក្រោកទទួលដោយពេញចិត្ត
២. ថ្វាយបង្គំដោយពេញចិត្ត
៣. ប្រគេនអាសនៈដោយពេញចិត្ត
៤. មិនលាក់ទុកនូវរបស់ដែលមាន
៥. មានរបស់ច្រើន ក៏ប្រគេនច្រើន
៦. មានរបស់ផ្អែមឆ្ងាញ់ ក៏ប្រគេនរបស់ផ្អែមឆ្ងាញ់
៧. ប្រគេនដោយគោរព មិនមែនប្រគេនដោយមិនគោរព
៨. អង្គុយជិតដើម្បីស្ដាប់ធម៌
៩. យកចិត្តទុកដាក់ស្ដាប់ពាក្យដែលលោកសម្ដែង។
ម្នាលភិក្ខុទាំងឡាយ ត្រកូលដែលប្រកបដោយអង្គ ៩ ប្រការនេះឯង បើមិនទាន់ចូលទៅទេ ក៏គួរនឹងចូលទៅបាន ឬបើចូលទៅហើយ ក៏គួរនឹងអង្គុយជិតបាន។
